Lista kan mga Kodigong ZIP sa Filipinas

Ginagamit sa Filipinas an inaapod na ZIP Code kan Philippine Postal Corporation (Philpost) ngane magin mahusay, mabisay asin marikas an paghatod kan mga surat sa koreo. Manta na ini nakakaagid sa kodigo ZIP kan Estados Unidos, sa porma asin sa paggamit naiiba man. An pag'usar kan kodigo ZIP igdi sa Filipinas dai inoobligar pero rekomendadong gayo ngane daing abala sa paghatod nin surat. Bakong arog sa Amerika, an kodigo igdi sa Filipinas kan ZIP may apat na digit an numero na nagrerepresentar nin duwang bagay: sa Metro Manila pigrerepresentar an sarong barangay na sakop nin siyudad o sarong distrito kaini, asin sa luwas kan Metro Manila, sarong apat-na-digit na numero para sa sarong banwaan o siyudad. Parati, sobra sa sarong kodigong numero an ipinapaluwas sa mga lugar sa laog kan Metro Manila, asin sa mga probinsyal na lugar, sarong kodigong numero an itinatao sa lambang banwaan o siyudad, maliban sa magkapirang lugar arog kan Dasmariñas na igwang tolong kodigong ZIP (4114, 4115, asin 4126) asin an Los Baños, may duwang ZIP na kodigo (4030 asin 4031 para sa University of the Philippines Los Baños).

An artikulong ini nagtatao kan lista nin mga kodigong ZIP sa Filipinas. An mga siyudad na nagin nang independiente sa probinsya ilinilista kaiba sa probinsyang saindang hinalean.